კაა
კაა – პირველი დინასტიის ბოლო ფარაონი (დაახლ. ჩვ.წ.-მდე XXVII-XVIIIსს.). მისი სახელის წაკითხვა და მნიშვნელობა დადგენილი არ არის. მისი მეფობის შესახებ პრაქტიკულად არაფერია ცნობილი. ის არ არის დაფიქსირებული ჩვენს ხელთ არსებული პალერმოს ქვის ფრაგმენტებზე. მანეთონი, რომელიც დინასტი ის ბოლო ფარაონად უბიენთესს ასახელებს, მის შესახებ ასევე არავითარ ცნობას არ გვაწვდის, თუმცა მანეთონის მიერ დასახელებული მეფობის წლების რაოდენობა (26) არ არის სწორად მიჩნეული.
კაას სამარხი აბიდოსში, რომელიც არქიტექტურის საოცარ განვითარებაზე მეტყველებს, აგებულია იგივე პრინციპით, როგორც მისი წინამორბედის (სემერხეტი), და ასევე ტოვებს მეფესთან ერთად დაკრძალული ცოლების და მსახურების მოკვდინების შთაბეჭდილებას. უნდა აღინიშნოს, რომ საფეხუროვანი პირამიდის მიდამოებში და აბიდოსში აღმოჩენილია ფირფიტები რამდენიმე ფარაონის სახელით, რომლებიც ქრონოლოგიურად დინასტიის დასასრულს და შემდეგი დინასტიის დასაწყისს ემთხვევა. ამდენად არსებობს ვარაუდი, რომ ქვეყანაში დაიწყო არეულობა და II დინასტიის მეფეებს ჰყავდათ მოწინააღმდეგეები.
