აგავე
NPLG Wiki Dictionaries გვერდიდან
09:43, 26 ივნისი 2017-ის ვერსია, შეტანილი Tkenchoshvili (განხილვა | წვლილი)-ის მიერ
აგავე - (ბერძნ.) კადმოსისა და ჰარმონიას ასული.
თებელი წარჩინებულები თავს სპარტების ჩამომავლებად მიიჩნევდნენ. სწორედ ამიტომ კადმოსმა თავისი ასული აგავე სპარტ ექიონზე დააქორწინა.
როდესაც დიონისე თებეს ეწვია, რათა თავის მშობლიურ ქალაქში ღვინის კულტი დაემკვიდრებინა, მას წინ აღუდგა სამეფო კარი, მეფე პენთევსი და დედამისი აგავე თავისი დებით. ახალმა ღმერთმა ისინი სასტიკად დასაჯა: ქალებს სიშმაგე მოუვლინა და ბაკქური ექსტაზით მოცულნი კითერონის ფერდობისაკენ მიდენა. მენადათა თავაწყვეტილ მსვლელობას აყოლილმა აგავემ თავისი შვილი პენთევსი მხეცად აღიქვა და დაგლიჯა.ეს სიუჟეტი გამოიყენა ევრიპიდემ თავის ტრაგედიაში "ბაკქი ქალები".
