კოზლოვსკი ივანე
NPLG Wiki Dictionaries გვერდიდან
13:33, 29 აპრილი 2025-ის ვერსია, შეტანილი Tkenchoshvili (განხილვა | წვლილი)-ის მიერ
ივანე კოზლოვსკი – (11. III. 1900, მარიანოვკა, ბელაია-ცერკოვის მახლობლად, კიევის ოლქი − 21. XII. 1993, მოსკოვი), რუსი მომღერალი (ლირიკული ტენორი) სსრკ სახალხო არტისტი (1940). 1924-იდან ხარკოვის, 1925-იდან სვერდლოვსკის საოპერო თეატრების, 1926-54 სსრკ დიდი თეატრის სოლისტი. ლამაზი ტემბრის ხმა, მაღალი მხატვრული გემოვნება და დრამატული ნიჭი მას საშუალებას აძლევდა შეექმნა სრულყოფილი ვოკალურ-სცენური სახეები: სალოსი (მუსორგსკის „ბორის გოდუნოვი“), ლენსკი (ჩაიკოვსკის „ევგენი ონეგინი“), ლოენგრინი (ვაგნერის „ლოენგრინი“), ალფრედი (ვერდის „ტრავიატა“) და სხვ. ეწეოდა საკონცერტო მოღვაწეობას. მრავალგზის გამოსულა თბილისის საოპერო თეატრის სცენაზე.
