ქსენაკისი იანის
NPLG Wiki Dictionaries გვერდიდან
16:35, 14 მაისი 2025-ის ვერსია, შეტანილი Tkenchoshvili (განხილვა | წვლილი)-ის მიერ
იანის ქსენაკისი – (29 მაისი 1922, ბრიელა რუმინეთი – 4 თებერვალი 2001, პარიზი), ბერძენი კომპოზიტორი და არქიტექტორი. ცხოვრობდა საფრანგეთში. ო. მესიანისა (კომპოზიცია) და ლე კორბიუზიეს (არქიტექტ.) მოწაფე. დააარსა (საფრანგეთსა და ინდოეთში) მუსიკალური ცენტრები, რომლებიც სწავლობენ მუსიკისა და მათემატიკის ურთიერთკავშირს. შექმნა კომპოზიციის საკუთარი ე.წ. სტოქასტიკური სისტემა, რომელიც დამყარებულია მათემატიკური ალბათობის თეორიაზე. მიმართავდა ე.წ. სივრცობრივ მუსიკას. პ. ბულეზთან ერთად იანის ქსენაკისი ფრანგული მუსიკალური ავანგარდის ერთ-ერთი ლიდერია. ავტორია ბალეტების, საორკესტრო და საგუნდო ნაწარმოებებისა, ელექტრონული და ლაზერული მუსიკისა. ხშირად იყენებს საკრავთა უჩვეულო ანსამბლებს, ალეატორიკის ხერხებს.
