ცუციკი ღორჯო
ცუციკი ღორჯო – Proterorhinus Smitt 1899
ტიპი: ქორდიანები
კლასი: სხივფარფლიანი თევზები
რიგი: ქორჭილასნაირნი
ოჯხი: ღორჯოსებრთა
თევზის სახეობა ღორჯოსებრთა ოჯახისა. თავის სისქე მის სიმაღლეზე შესამჩნევად ნაკლებია. თავის საგრძე სხეულის მთლიან სიგრძეში 3 1½-4½- ჯერ თავსდება. ყბები თანაბარი სიგრძისაა. შუბლის სიგანე თვალის დიამეტრზე ნაკლებია. ქერცლი თავის ზემო ნაწილს ფარავს, ხოლო თვალებამდე არ აღწევს. ლაყუჩის სახურავების მხოლოდ ზემო კიდის გასწვრივ ან მისი ¼ დაფარულია მცირერიცხოვანი ქერცლით. მკერდის ფარფლების ღეროების და ყელის უკანა ნაწილი ქერცლითაა დაფარული. ზურგის მეორე ფარფლსა და ანალური ფარფლის საწყის შორისეულ მანძილზე ქერცლების 15–17 გასწვრივი რიგია. მკერდის ფარფლის სიგრძე სხეულის მთლიან სიგრძეში 5-5½-ჯერ თავსდება და ზურგის მეორე ფარფლის 4-5 სხივამდე აღწევს. მუცლის ფარფლის სიგრძე მთლიან სიგრძეში 51½--6½-ჯერ თავსდება. მგრძნობიარე არხების (მილაკების) ფორები მშვენივრად მოჩანს. ძირითადი ფერია მურა-რუხი, უფრო ხშირად მოყვითალო რუხი. სხეულის გვერდებზე რამდენიმე გარდიგარდმო მუქი ლაქაა. დინგის ორივე მხარეზე მუქი ლაქა უკანა მხრიდან თეთრი ზოლითაა გარშემოვლებული, რომელიც თვალის ქვეშ მოდის. კუდის ფარფლის ფუძესთან სამკუთხედის ფორმის შავი ლაქაა, რომელიც ორი თეთრი ლაქითაა გარშემოვლებული. ფარფლებზე (გარდა მუცლისა) წინწკლები ან არის ან არა. შავი ზღვის ფორმის სიგრძე 115 მმ-მდე აღწევს, ხოლო. კასპიის – 76 მმ-მდე.
გავრცელება.
შავი ზღვის სანაპიროების უბეებში და მდინარეებში გვხვდება, მოიპოვება აგრეთვე დუნაიში, ბუგში, დნეპრში, აზოვის ზღვაში, ყუბანის დელტაში, დონშზი, დონეცის აუზებში, კასპიის ზღვაში და მათ შენაკად მდინარეებში. საქართველოს ფარგლებში გავრცელებულია პალიასტომის ტბაში და ბათუმთან.
