ევმენიდები

ევმენიდები – (ბერძნ.) („კეთილმოსურნე ღვთაებები“). ერინიები მას შემდეგ, რაც შეწყვეტდნენ ცოდვილთა დევნას, ევმენიდებად, კეთილმოსურნე ღვთაებებად, გარდაისახებოდნენ, რადგანაც შურისძიება, გარკვეულწილად, წესრიგისა და ჰარმონიის აღდგენასაც გულისხმობდა. ამ დროს ერინიები თმობდნენ თავიან ბოროტ არსს და კანონის მფარველთა ფუნქციას იძენდნენ. აქედან გამომდინარე, ბერძნულ ნატურფილოსოფიაში ევმენიდები „სამართლიანობის მეთვალყურეთა“ გაგებით მოიაზრებიან, რადგანაც მათი ნების გარეშე „თავად მზესაც კი არ შეუძლია სხივთაფენა ზომაზე მეტად“. ევმენიდების კულტი არსებობდა ათენის არეოპაგოსზე.

წყარო

მითოლოგიური ენციკლოპედია ყმაწვილთათვის