არმიის თავდაცვის ზღუდე

არმიის თავდაცვის ზღუდე – თავდაცვის ზოლი, რომელიც განკუთვნილია თავდაცვის ტაქტიკურ ზონაში შემოჭრილი მოწინააღმდეგის შემდგომი წინსვლის აღკვეთისთვის და კონტრდარტყმის მიმყენებელი ჯარების გაშლის უზრუნველსაყოფად.

I მსოფლიო ომში მოგერიებითი ზღუდე ეწყობოდა თავდაცვის მთავარი ზოლის წინა ხაზისგან 25-30 კმ-ზე და ჰქონდა 5-6 კმ სიღრმე. საჭიროების შემთხვევაში მას იკავებდნენ II ეშელონიდან ან მეორეხარისხოვანი მიმართულებებიდან მოხსნილი, აგრეთვე ტაქტიკური ზონიდან უკან დახეული არმიის და ჯარების რეზერვები.

წყარო

ქართული სამხედრო ენციკლოპედიური ლექსიკონი. აკადემიკოსის, გენერალ-მაიორ ელგუჯა მეძმარიაშვილის საერთო რედაქციით, - თბილისი2017