შტატი (სამხედრო)

შტატი (სამხედრო) (ლათინური status – მდგომარეობა) – ოფიციალური ნორმატიული დოკუმენტი, რომელიც განსაზღვრავს სამხედრო ნაწილის (ხომალდის), დაწესებულების, ორგანიზაციის, სამხედრო სასწავლებლის ორგანიზაციულ სტრუქტურას.

შეიცავს შემდეგ მონაცემებს:

• ნაწილის და მის შემადგენლობაში შემავალი სტრუქტურული ქვედანაყოფების დასახელებას, მათ შემადგენლობას და რიცხოვნობას;
• სამხედრო მოსამსახურეების და სამოქალაქო პერსონალის თანამდებობების დასახელებას და რაოდენობას;
• სამხედრო წოდებებს, სამხედრო-სააღრიცხვო (სააღრიცხვო) სპეციალობებს, თანამდებობრივ სარგოებს (სატარიფო თანრიგებს);
• შეიარაღების და ტექნიკის ძირითადი სახეობების დასახელებას და რაოდენობას.

შტატებისთვის მუშავდება ტაბელი, რომელიც წარმოადგენს შეიარაღების, ტექნიკის და სხვა მატერიალურ-ტექნიკური საშუალებების დაწვრილებით ნომენკლატურულ-რაოდენობრივ ნუსხას.

წყარო

ქართული სამხედრო ენციკლოპედიური ლექსიკონი. აკადემიკოსის, გენერალ–მაიორ ელგუჯა მეძმარიაშვილის საერთო რედაქციით, – თბილისი2017