ბერდანა

ბერდანა - (ბერდანკა), ზოგიერთი ქვეყნის არმიის შეიარაღებაში არსებული (ამერიკელი კონსტრუქტორ ჰ. ბერდანის მიერ შემუშავებული) ერთმუხტიანი (ერთტყვიიანი) შაშხანების გავრცელებული სახელწოდება. ოფიციალურად ბერდანის შაშხანა №1 და №2. ეს უკანასკნელი შეიარაღებაში იყო 1870 წლამდე. შემდგომში ჩაანაცვლეს 1891 წლის ნიმუშის მჭიდიანი შაშხანით.

ძირითადი მახასიათებლებია:

• კალიბრი 10.67 მმ;
• მასა 4.9 კგ. (ხიშტით);
• სროლის სამიზნე მანძილი 1600 მ;
• სროლის სისწრაფე 8 გასრ./წთ-ში.

წყარო

ქართული სამხედრო ენციკლოპედიური ლექსიკონი. აკადემიკოსის, გენერალ-მაიორ ელგუჯა მეძმარიაშვილის საერთო რედაქციით, - თბილისი, 2017.