Gymnadenia conopsea
NPLG Wiki Dictionaries გვერდიდან
17:37, 11 აპრილი 2018-ის ვერსია, შეტანილი Tkenchoshvili (განხილვა | წვლილი)-ის მიერ
Gymnadenia conopsea – ოჯახი: ჯადვარისებრნი (Orchidaceae). 15-60 სმ-ის ტუბერიანი მცენარეა. ღერო შეფოთლილია, ძირში მურა ფერის ვაგინებით. ფოთლები სიგრძეზე დაკეცილია, ხაზურ-ლანცეტა ფორმის, ზედა ფოთლები უფრო პატარა ზომისაა. ყვავილედი თავთავი ან თავაკია, მრავალყვავილიანი. ყვავილები – პატარა, სურნელოვანი, შეფერილობით ლილისფერიდან მეწამულ ფერამდე. ყვ. ნაყ. VI-VIII. მაღალმთის მცენარეა, იზრდება მდელოებზე და ბუჩქნარებში. კახეთში მისი ნახვა შესაძლებელია თუშეთის დაცულ ტერიტორიაზე დართლოსკენ მიმავალ გზაზე, გომბორის უღელტეხილზე. გავრცელებულია მთელ საქართველოში.
წყარო
კახეთის რეგიონის მცენარეები – 400 სახეობის მცენარე და 402 ფოტო; სარკვევზე იმუშავა კახაბერ სუხიტაშვილმა; რედაქტორი მაია ახალკაცი, თბილისი 2016.
