Muscari caucasicum (Griseb.) Baker
_Baker.jpg)
Muscari caucasicum (Griseb.) Baker - (Leopoldia caucasica (Griseb.) Losinsk); ოჯახი: სუმბულისებრნი (Hyacithaceae). მრავალწლიანი ბალახოვანი მცენარეა. უნაყოფო ყვავილების ყვავილსაფარი მოკლე ცილინდრულია, კაშკაშა ლურჯ-იისფერი, მოკლე თავაკისქბურ მტევან ყვავილედებად შეკრებილი; მათი ყუნწები რკალივითაა მოღუნული. ყვავილსაფრის კბილები ლურჯია. ფოთლები სქელია, ჯ ხაზური ან ფართო ხაზური, ოდნავ რკალივით მოხრილი ან ღეროზე მოკლე. ღერო 20-40 სმ სიმაღლისაა. ყვ. ნაყ. ჯ IV-V. იზრდება მთის ქვედა, შუა და ზედა სარტყლებში, ქვიან-ღორღიან ეკოტოპებზე, მთის ველების ფორმაციებში, ნახევრად უდაბნოებში, არიდულ მეჩხერ ტყეებში. მისი ნახვა შესაძლებელია ჭაჭუნას აღკვეთილში.
წყარო
კახეთის რეგიონის მცენარეები – 400 სახეობის მცენარე და 402 ფოტო; სარკვევზე იმუშავა კახაბერ სუხიტაშვილმა; რედაქტორი მაია ახალკაცი, თბილისი 2016.
