ორყურა
ორყურა – (Zygophyllum fabago L.); ოჯახი: ორყურასებრნი (Zyghophyllaceae). მრავალწლიანი ბალახოვანი მცენარეა. ღერო სწორად მდგომია ან წამოწეული, გაფარჩხულტოტებიანი. ფოთოლი შედგება 1 წყვილი ხორცოვანი ფოთოლაკისაგან. ფოთოლაკები მოპირისპირედ არის განლაგებული, ფორმით უკუკვერცხისებური, კიდეებზე თეთრი არშიით. გვირგვინის ფურცლები მოთეთრო-ყვითელია, ძირსა და მტვრიანას ძაფებთან ერთად ნარინჯისფერია. ყვ. ნაყ. V-IX. იზრდება მთის ქვედა და შუა სარტყლებში – მშრალ, თიხნარ ადგილებზე, ველებსა და უდაბნოებში. კახეთში მისი ნახვა შესაძლებელია გარეჯის მიდამოებში. საქართველოში გავრცელებულია შიდა ქართლში, ქვემო ქართლსა და მესხეთში.
წყარო
კახეთის რეგიონის მცენარეები – 400 სახეობის მცენარე და 402 ფოტო; სარკვევზე იმუშავა კახაბერ სუხიტაშვილმა; რედაქტორი მაია ახალკაცი, თბილისი 2016.
