კავკასიური ხმალა (Gladiolus caucasicus Herb.)

250პქGladiolus caucasicus Herb.

კავკასიური ხმალა - (Gladiolus caucasicus Herb.); ოჯახი: ზამბახისებრნი (Iridaceae). მრავალწლიანი ბოლქვიანი მცენარეა, ყვავილსაფარი დიდია – 4-6 სმ სიგრძისა, მუქი იისფერი ან მეწამული ფერის გრძელი და ძლიერ მოხრილი მილით. ყვავილსაფრის ფოთლები არათანაბარია. ქვედა ფოთლები გრძელია გვერდით ფოთლებთან შედარებით, ხოლო ზედა ფოთლები ყველაზე მოკლეა, ყვავილედი ცალგვერდაა, მრავალყვავილიანი. ყვ. ნაყ. V-VIII, მცენარე იზრდება ტყის სარტყელში, ტენიან მდელოებზე. ყამირებსა და ნათესებში. ამ მცენარის ნახვა შესაძლებელია ვაშლოვანის დაცულ ტერიტორიაზე. გავრცელებულია თითქმის მთელ საქართველოში.

წყარო

კახეთის რეგიონის მცენარეები – 400 სახეობის მცენარე და 402 ფოტო; სარკვევზე იმუშავა კახაბერ სუხიტაშვილმა; რედაქტორი მაია ახალკაცი, თბილისი 2016.