Thesium arvense Horv

Thesium arvense Horv

Thesium arvense Horv – ოჯახი: Santalaceae. მრავალწლიანი ბალახოვანი მცენარეა, მრავალი ღეროთი, სწორი, იშვიათად – თითქმის გართხმული, 10-30 სმ სიმაღლის, შუა წელიდან დატოტვილი, დაღარული და ხაოიანი. ფოთოლი ხაზურია, მახვილწვერიანი, კიდეებზე ხაოიანი, სიგრძით – 4 სმ-მდე, სიგანით 1.5 მმ-მდე. ყვავილედი მტევნისებურია, მისი ტოტები ერთყვავილიანია, გვერდზე გადაწეული და ირიბად ზევით აღმართული. ყვავილი თეთრია, 5 ნაწილად გაყოფილი. ყვ. ნაყ. IV-VIII. იზრდება მთის ქვედა სარტყლიდან ზედა სარტყლამდე მშრალ ფერდობებზე, ბუჩქნარებში, ველებზე, ტყეებსა და მდელოებზე. კახეთში მისი ნახვა შესაძლებელია სოფელ უჯარმის მიდამოებში. სპორადულად გავრცელებულია მთელ საქართველოში.

წყარო

კახეთის რეგიონის მცენარეები – 400 სახეობის მცენარე და 402 ფოტო; სარკვევზე იმუშავა კახაბერ სუხიტაშვილმა; რედაქტორი მაია ახალკაცი, თბილისი 2016.