აცირუხსი

აცირუხს-ი (ოს. Ацырухс. *Уацырухс – „ღვთაებრივი ნათელი“) – ნართული ეპოსის მზეთუნახავი პერსონაჟი; ერთი ვარიანტით, მზის ასული, სხვა ვარიანტებით – საინაგ-ალდარის ქალიშვილი, გოლიათების და ან შვიდი გოლიათის შვილობილი (ყანი); სახელოვანი ნართი სოსლანის უკანასკნელი, მესამე ცოლი, რომლის შესართავად, გოლიათების მიერ წამოყენებული პირობის თანახმად, ჯადოსნური აზა-ხის ფოთლების მოპოვების მიზნით სოსლანმა საიქიოში იმოგზაურა.

ლიტერატურა

• Абаев В. И. Историко-этимологический словарь осетинского языка. Т. I. М.-Л., 1959;
• Нартовские сказания: Эпос осетинского народа. Книга 1. Владикавказ, 2003.

წყარო

კავკასიის ხალხთა მითები და რიტუალები