ასყარ-თაუ

ასყარ-თაუ (ნოღ. Аскъар-тау – იალბუზი) – მსოფლიო მთა ნოღაურ მითოლოგიაში. მდებარეობს სამყაროს ცენტრში. მისი მარჯვენა მხარე მზიანია, ნათელია, მარცხენა — ბნელი. ასყარ-თაუზე ხარობს მსოფლიო ხე – ბაჲთერექი. მთაც და ხეც ვერტიკალურ ჭრილში ერთმანეთთან აერთებს სამყაროს სამ ზონას – ზესკნელს, შუასკნელსა და ქვესკნელს. ასყარ-თაუს მწვერვალი მიუღწეველია. იქ ასვლა მხოლოდ ღვთაებრივ არსებებს და დიდ წინასწარმეტყველებს (ნათელმხილველებს) შეუძლიათ.

ლიტერატურა

Капаев И. Ногайские мифы, легенды и поверья. Опыт мифологического словаря. М., 2012.

წყარო

კავკასიის ხალხთა მითები და რიტუალები