ბაირიმ-ყიზი

ბაჲრიმ-ყიზი (ბალყ.-ყარაჩ. Байрым-къызы) – ბალყარულ-ყარაჩული ნართული ეპოსის პერსონაჟი, ჯადოქარი, რომლის რჩევითაც ალაუგანი დევი ქალისა და მისი ასულების ტყვეობაში მყოფ მამასა და ნართებს იხსნის; ამიტომ იძულებული ხდება ბაჲრიმ-ყიზის ქალიშვილზე იქორწინოს. როცა ნართი შეიტყობს, რომ სიდედრი და ცოლი ჯადოქრები არიან და ადამიანის ხორცით იკვებებიან, მეუღლეს კლავს, დედამისს კი, გაწეული დახმარების გამო, ცოცხალს ტოვებს.

ლიტერატურა

• Нарты. Героический эпос балкарцев и карачаевцев. М., 1994;
• Джуртубаев М. Ч. Мифология и эпос карачаево-балкарского народа. Древние верования балкарцев и карачаевцев. Карачаево-Балкарский героический эпос. Нальчик, 2011.

წყარო

კავკასიის ხალხთა მითები და რიტუალები