ბეთ იილითუ
NPLG Wiki Dictionaries გვერდიდან
ბეთ ჲილითუ (ნოღ. Бет йылыту – „სახის გათბობა“) – საქორწილო ციკლის ნოღაური რიტუალი – პატარძლის პირისახის გათბობის ცერემონია. ქორწილის მეორე დღეს დედამთილის ხელმძღვანელობით სიძის ნათესავი ქალები მუსიკის თანხლებით დედოფალს ეზოში დანთებულ კოცონის გარშემო სამჯერ შემოატარებდნენ, ცეცხლზე ხელისგულებს დაითბობდნენ და პატარძალს სახეზე მიადებდნენ; შემდეგ სამკაულებით დაასაჩუქრებდნენ. რიტუალი საწესო სუფრით მთავრდებოდა.
ლიტერატურა
Гаджиева С. Очерки истории семьи и брака у ногайцев в XIX – начале XX века. М., 1979.