ბურაკათა
ბურაკათა — ძველი ინდური სახალხო თეატრის ერთ-ერთი სახეობა (მე-14 ს.). ასრულებს სამი მომღერალი აკომპანემენტის ფონზე (გამოყენებულია სიმებიანი ინსტრუმენტი, დოლები, რომლებიც ორ მსახიობს კისრებზე აქვთ ჩამოკიდებული და სპილენძის ბეჭდები, რომლებიც თითებზე უკეთიათ და ახმაურებენ). ისინი ტექსტს სიმღერით წარმოთქვამენ.
ბურაკათა ინდოეთში დიდი პოპულარობით სარგებლობდა. წარმოდგენების სიუჟეტები ეყრდნობოდა ტრადიციულ პოეტურ და პროზაულ ზღაპრებს, ფოლკლორს. ბურაკათას დასში, ჩვეულებრივ, 3 ადამიანი იყო, ერთი ტექსტის რეჩიტატივით წარმომთქმელი და ორი აკოპანიატორი, რომლებიც უკრავდნენ ხალხურ მუსიკალურ ინსტრუმენტებზე – მრიტანგზე. ბურაკათას დასი მოხეტიალე იყო, ზოგიერთები იმყოფებოდნენ ფეოდალთა სახლის კართან. მე-19 საუკუნის ბურაკათას ხელოვნება თითქმის გაქრა. XX ს. 50-იან წლებში ინდოეთის სახალხო თეატრის ასოციაციამ მიიღო ზომები ამ თეატრის ასაღორძინებლად.
იხილე აგრეთვე
ნაუტანკი
ბჰავაი
თამაშა
რამლილა
კრიშნალილა,
ჯატრა
