გვახარია ნოდარ
ნოდარ გვახარია — (დ. 3 თებერვალი, 1932, თბილისი — გ. 14 ნოემბერი 1996), ქართველი სპორტსმენი, წყალბურთელი. თამაშობდა თბილისის „დინამოში” (1948-51, 5661), მოსკოვის „დინამოსა” (1951-56) და სსრკ ნაკრებში (1951-60). მელბურნის ოლიმპიური თამაშების მესამე პრიზიორი (1956), ევროპის ჩემპიონატის მესამე პრიზიორი (1958), ახალგაზრდობის საერთაშორისო მეგობრული სპორტული თამაშების ჩემპიონი (1953) და ორგზის მეორე პრიზიორი (1955, 57), მსოფლიოს სტუდენტთა თამაშების მეორე პრიზიორი (1954), სსრკ ჩემპიონი (1953), ორგზის მეორე (1956, 60) და ორგზის მესამე პრიზიორი (1958, 59), სსრკ ხალხთა II სპარტაკიადის მესამე პრიზიორი (1959). იყო თბილისის „დინამოს” მოთამაშე-მწვრთნელი, მთავარი მწვრთნელი (1960-67), სსრკ-ის ნაკრები გუნდის მთავარი მწვრთნელი (1962-64). მისი ხელმძღვანელობით თბილისის „დინამო” სსრკ ჩემპიონატებში სამჯერ გახდა მეორე (1960, 62, 63) და ორჯერ მესამე პრიზიორი (1964, 66). სსრკ სპორტის დამსახურებული ოსტატი.
