გიგანტური ლეუკოპაქსილუსი
NPLG Wiki Dictionaries გვერდიდან
გიგანტური ლეუკოპაქსილუსი (ლათ. Leucopaxillus giganteus (Fr.) Sing. რუს. Говорушка гигантская)
ქუდი – 10-30 სმ და მეტი დიამეტრისა, ჯერ ბრტყლად ამობურცული, შემდე კი – ძაბრისებრი, კიდეები ზოლიან-ტალღოვანია და შებუსვილი, ბაცი მოყვითალო თეთრი. ფირფიტები შეზრდილია ან ოდნავ დაღმავალი, ვიწრო, ხშირი და ანასტომიზებითაა. მოთეთროა ან ღია ჟანგმიწისფერ-მურა.
ფეხი – 6-7 სმ სიგრძისა და 3-5 სმ სისქისაა, ქუდის ფერია.
რბილობი – მოთეთროა, ფქვილის სუნით.
სპორები – ელიფსისებრი, უფერული, ხორკლიანი ზედაპირით, 6-8X4-5,5 მკმ.
იზრდება ნიადაგზე ტყის პირებში ზაფხულ-შემოდგომით. საჭმელად გამოიყენება ახალი. შედარებით იშვიათი სოკოა.