დენისოვი ედისონ

ედისონ დენისოვი

დენისოვი ედისონ ვასილის ძე - რუს. Эдисо́н Васи́льевич Дени́сов (6. IV. 1929, ტომსკი, - 24. XI. 1996, პარიზი), რუსი კომპოზიტორი, ვ. შებალინის მოწაფე.

1959-იდან ასწავლიდა (კომპოზიცია) მოსკოვის კონსერვატორიაში. ერთ-ერთმა პირველმა სსრკ-ში დაიწყო ავანგარდული საკომპოზიციო ტექნიკის (თავისუფალი სერიალობა, ალეატორიკა) გამოყენება, რის გამოც არაერთგზის გამხდარა კონსერვატიული საბჭოთა მუსიკის კრიტიკის „დამუშავებათა“ ობიექტი.

ამჟამად აღიარებულია როგორც თვალსაჩინო შემოქმედი. ავტორია 2 ოპერის, ბალეტის, რეკვიემის (1980), 10 ინსტრემენტული კონცერტისა (1972-86) და სხვ. ცნობილია მისი „ინკების მზე“ (1964) და „ტირილები“ (1966. ორივე - ხმისა და ორკესტრისათვის) და სხვ. დენისოვს ეკუთვნის წიგნები „დასარტყმელი საკრავები თანამედროვე ორკესტრში (1982) და „თანამედროვე მუსიკის და საკომპოზიციო ტექნიკის ევოლუციის პრობლემები“ (1986).

წყარო

მუსიკის ენციკლოპედიური ლექსიკონი