ეკლებიანი ლეპიოტა

ეკლებიანი ლეპიოტა (ლათ. Lepiota acutesquamosa (Weinm.) kumm. რუს. Лепиота острочешуйчатая)

ქუდი – 12 სმ-მდე დიამეტრისაა, ქოლგისებრია, შუაში ახასიათებს ბორცვაკი. ზედაპირი დაფარულია პირამიდისებურად წაწვეტებული, ჯაგრისებრი ყავისფერ-მურა ხორკლებით, მურა ან წაბლის ფერია, ფირფიტები თეთრია.

ფეხი – 5-12 სმ სიგრძისაა და 0,8-1 სმ სისქისა, ძირში ბოლქვისებურადაა გასქელებული. ახასიათებს თეთრი საყელო, საყელოს ზემოთ თეთრია, დაფქვილული, ქვემოთ – მოყვითალო მურა ან მუქ-მურა, კონცენტრულად განწყობილი ბოჭკოვანი ქერცლებით.

რბილობი – თეთრია, არასასიამოვნო სუნით და მომწარო გემოთი.

სპორები – წაგრძელებული-ოვალურია უფერული, 7-8X2,5-4 მკმ.

იზრდება ნიადაგზე, ფოთლოვან და წიწვიან ტყეში, ზაფხულ-შემოდგომით.

შხამიანია, იწვევს საჭმლის მომნელებელი სისტემის მოშლას.

წყარო

საქართველოს სოკოები