ვოკალიზაცია
NPLG Wiki Dictionaries გვერდიდან
ვოკალიზაცია - სიმღერა ხმოვანი ბგერებით. ვოკალიზაციის უმარტივესი სახეა კოლორატურულ პასაჟებამდე რომელიმე ხმოვნის ან პოეტური ტექსტის მარცვლის ორი ან მეტი ბგერით წამღერება. ცნობილია მთელი რიგი ნაწარმოებები ან მათი ნაწილი, რომლებშიც თავიდან ბოლომდე მხოლოდ რომელიმე სიტყვის მარცვალი იმღერება. მაგ, „ალილუია“ (მოცარტის „ალილუია“), „დიდება“ (გლინკას „ივან სუსანინის“ ეპილოგში). ვოკალიზაციას განეკუთვნება აგრეთვე ერთი ხმოვანი ბგერით შესრულებული სიმღერა უტექსტოდ.
