თავიანი ხახვი
NPLG Wiki Dictionaries გვერდიდან
თავიანი ხახვი
ოჯახი - Liliaceae - შროშანისებრი
გვარი - Allium - ხახვი
სახეობა - Allium cepa - თავიანი ხახვი
მრავაწლიანი ბალახოვანი მცენარეა, ბოლქვიანი. ფოთლები მილისებრი და ხშირად ხალთიანი. ყვავილები ორსქესიანია, პატარა ზომის, თეთრი ან წითელი, ან ვარდისფერი, ანდა ცისფერი და შეკრებილია ქოლგისებრ ყვავილედებად. ნაყოფი სამბუდიანი კოლოფია. ამ გვარიდან 400 სახეობაა ცნობილი.
თავიანი ხახვი უძველესი ბოსტნეულია და ფართოდაა გამოყენებული არა მარტო როგორც საკაზმ-სანელებელი, არამედ როგორც სამკურნალო მცენარეც. ხახვის წვენი ითვლება მრავალი დაავადების სამკურნალოდ, როგორიცაა: ყელის ანთება, თვალის ლიბრი, კუჭნაწლავის ანთება, ბრონქიტი, ყივანახველა, ათეროსკლეროზი, პარაზიტული ჭიებით გამოწეეული დაავადებები და ა.შ.
