ივანე ჯავახიშვილის სახლ-მუზეუმი
ივანე ჯავახიშვილის სახლ-მუზეუმი - სახლ-მუზეუმი მდებარეობს, შიდა ქართლის მხარეში, კასპის მუნიციპალიტეტში, სოფელ ხოვლეს თავში. სახლ-მუზეუმი გაიხსნა 1968 წელს.
ივ. ჯავახიშვილმა (1896-1940 წწ.) აქ გაატარა თავისი ბავშვობა. ყრმა ივანე ხშირად ჩადიოდა სოფელში ზაფხულობით. პირველი სამეცნიერო კვლევითი სამუშაოებიც აქ დაიწყო. შემდეგშიც, უკვე ცნობილი მეცნიერი, ხოვლეს ხშირი სტუმარი იყო. აქ ეწეოდა მეცნიერულ მუშაობას. სოფელში მასთან ხშირად ჩადიოდნენ სტუმრად გამოჩენილი ქართველი მოღვაწეები.
სახლი (20:6X17 მ) ორსართულიანია, ნაგებია ქვითკირით, გადახურულია თუნუქით. მთავარი ფასადი მიმართულია ჩრდილოეთისკენ. პირველ სართულზე ორი ოთახია. ერთში მოთავსებულია ფონდსაცავი. ამ სართულზე, მარჯვნივ მეორე სართულზე ასასვლელი კიბეა. მეორე სართულზე ხუთი ოთახია, პირველ ოთახში დაცულია მემორიალური ნივთები (მაგიდა, სკამი, საათი, ტანსაცმელი).
