კატაბალახა
კატაბალახა – (Valeriana alpestris Steven); ოჯახი: კატაბალახასებრნი (Valerianaceae). მცენარის სიმაღლე 100 სმ-მდეა. ღერო მარტოულია, მაგარი, დაღარული, ხშირად – მოლეგო. ფოთოლი 3-5 წყვილია, მუხლებში შებუსული. ფოთლები მთლიანია, გრძელყუნწიანი, კვერცხისებური ან ელიფსური. კიდეებზე არათანაბრად ამოკვეთილ – დაკბილული. შუა ფოთლები კვერცხისებურია ან რომბისებური. ზედა ფოთლები თითქმის მჯდომარე, ლანცეტა ან ხაზურია. ყვავილედი თავაკისებური ფარია, გვირგვინი – მოვარდისფრო. ყვ. ნაყ. VI-IX. მცენარე გავრცელებულია სუბალპურ და ალპურ სარტყლებში ტენიან ადგილებში. კახეთში მისი ნახვა შესაძლებელია თუშეთის დაცულ ტერიტორიაზი გავრცელებულია თითქმის მთელ საქართველოში.
ვალერიანის პრეპარატები გამოიყენება როგორც დამამშვიდებელი საშუალება უძილობის, ნერვული აშლილობის, ნევროზებისა და სპაზმური შეტევების დროს, ასევე შედის როგორც კომპონენტი მრავალი პრეპარატის შემადგენლობაში. მის ალკალოიდებს აქვს ანტიბაქტერიული მოქმედება, კარგი თაფლოვანი მცენარეა.
