მატერიალური უზრუნველყოფის ორგანოები (შეიარაღებულ ძალებში)
NPLG Wiki Dictionaries გვერდიდან
მატერიალური უზრუნველყოფის ორგანოები - საშტატო და არასაშტატო სამხედრო ფორმირებების და მართვის ორგანოების კრებსითი სახელწოდება, განკუთვნილია ჯარების (ძალების) მატერიალური უზრუნველყოფისთვის. გასული საუკუნის 80-იან წლებამდე უწოდებდნენ მომარაგების ორგანოებს.
მატერიალური უზრუნველყოფის ორგანოების ძირითადი ფორმირებებია მატერიალური უზრუნველყოფის ბრიგადები, ბატალიონები, ასეულები და ოცეულები.
მატერიალური უზრუნველყოფის ორგანოების შემადგენლობაში შედის, აგრეთვე ლოგისტიკის ბაზები და უზრუნველყოფის ბაზები (სტაციონარული და მოძრავი), საწყობები მატერიალური საშუალებების სახეობების მიხედვით, ტექნიკის საწვავით გამართვის ქვედანაყოფები და სხვა.