მინამაგნეზიტური ფურცელი
მინამაგნეზიტური ფურცელი (მაგნეზიტი, მინამაგნეზიტი, მაგნეზიტური ფილა, ცემენტ-მაგნეზიტური ფილა, სამშენებლო ფილა) – სამშენებლო-მოსაპირკეთებელი ფურცლოვანი მასალა მაგნეზიურ შემკვრელზე. მის შემადგენლობაში შედის: კაუსტიკური მაგნეზიტი, მაგნიუმის ქლორიდი, აფუებული პერლიტი და მინაქსოვილი (მაარმირებელი). შესაძლებელია მაარმირებლად ბოჭკოების გამოყენებაც.
მინამაგნეზიტური ფურცლის ძირითადი უპირატესობაა მაღალი ცეცხლმედეგობა და ცეცხლგამძლეობა. ფურცლის სისქეა 3, 6, 8, 10, 12 მმ, ზომები – 1220×2440 მმ; სიმკვრივე – 750-1200 კგ/მ3. მონტაჟის პირობები ისეთივე აქვს, როგორც თაბაშირმუყაოს ფილებს, კარგად ექვემდებარება მექანიკურ დამუშავებას. გამოიყენება კედლების შიდა ზედაპირების შესამოსად, ტიხრების დასამზადებლად, შეკიდული ჭერებისა და იატაკების მოსაწყობად და სხვ. ძირითადი მწარმოებელია ჩინეთის სახალხო რესპუბლიკა, კანადა და ახლო აღმოსავლეთის ქვეყნები.
