ნიკოლაიშვილი გია

ნიკოლაიშვილი გია (გიორგი) – (Nikolaishvili Gia (Georg)) ქართველი დიპლომატი, 2015-2019 წლები საქართველოს საგანგებო და სრულუფლებიანი ელჩი კუბის რესპუბლიკაში, პირველი რეზიდენტი ელჩი და ქ. ჰავანაში საქართველოს საელჩოს დამაარსებელი.

დაიბადა 26 აპრილი, 1957 წელი, ქ. სამტრედია, საქართველო.

განათლება:
1973-1978 – საქართველოს პოლიტექნიკური ინსტიტუტის, ავტომატიკისა და გამოთვლითი ტექნიკის ფაკულტეტი;
1978-1980 – თბილისის უცხო ენათა ინსტიტუტის, ინგლისური და ესპანური ენების კურსები;
1981-1986 – მოსკოვის სახელმწიფო უნივერსიტეტის, იურიდიული ფაკულტეტი;
1993 – ნიდერლანდების საერთაშორისო ურთიერთობების ინსტიტუტი – „კლინგენდაილ“-ის დიპლომატიური კურსები.

სამუშაო გამოცდილება:
1978-1980 – საქართველოს საავტომობილო ტრანსპორტის სამინისტროს, საწარმოო-ტექნიკური გაერთიანება „ავტოტრანსტექნიკას“ – ინჟინერი;
1980-1986 – საბჭოთა კავშირის ელექტრომრეწველობის სამინისტროს, საკონსტრუქტორო ბიურო „ინდიკატორის“ – მეცნიერ-მუშაკი;
1986-1992 – საქართველოს უმაღლესი და საშუალო სპეციალური განათლების/სახალხო განათლების სამინისტროს საგარეო ურთიერთობათა განყოფილების უფროსი/სამმართველოს უფროსის მოადგილე;
1992-2004 – საქართველოს საგარეო საქმეთა სამინისტროს, საერთაშორისო ორგანიზაციების დეპარტამენტის დირექტორის მოადგილე;
2004-2005 – საქართველოს საგარეო საქმეთა მინისტრის მრჩეველი, კონფლიქტების მოგვარების ჯგუფის უფროსი;
2005-2011 – საქართველოს საგარეო საქმეთა სამინისტროს ევროპის დეპარტამენტის სუამ-ისა და წევრ ქვეყნებთან ორმხრივი ურთიერთობების სამმართველოს უფროსი;
2011-2015 – საქართველოს საგარეო საქმეთა სამინისტროს პოლიტიკური დეპარტამენტის დირექტორი.

საზოგადოებრივი და საერთაშორისო აქტივობა:
1986-2019 – 100-ზე მეტი სამსახურებრივი მივლინება საზღვარგარეთ, საქართველოს განათლების, სამეცნიერო-ტექნიკური თანამშრომლობის და დიპლომატიური ურთიერთობების ფარგლებში;
1994 –ევროპის უშიშროებისა და თანამშრომლობის კონფერენციის ადამიანური განზომილების და დემოკრატიის ფორუმზე საქართველოს წარმომადგენელი (ქ. ვარშავა);
1994 – ევროპის უშიშროებისა დათანამშრომლობის კონფერენციის სამიტის მოსამზადებელ კონფერენციაზე საქართველოს დელეგაციის ხელმძღვანელი (ქ. ბუდაპეშტი);
1994 – ევროპის უშიშროებისა და თანამშრომლობის კონფერენციის სამიტზე საქართველოს დელეგაციის წევრი (ქ. ბუდაპეშტი);
1995-1996 – ევროპის უშიშროებისა და თანამშრომლობის ორგანიზაციის (ეუთო) მოლდოვის მისიის წევრი/მისიის ხელმძღვანელის მოადგილე (ქ. კიშინოვი);
1996-1997 – ეუთო-ს ტაჯიკეთის მისიის ხელმძღვანელი (ქ. დუშანბე);
1998-1999 – ეუთო-ს კოსოვოს საერთაშორისო დამკვირვებელთა მისიის, ქ. ჯილანის რეგიონალური ოფისის მეკავშირე ოფიცერი (ქ. ჯილანი);
1999-2002 – ეუთო-ს კოსოვოს მისიის პრიზრენის რეგიონალური ოფისის დემოკრატიზაციის მიმართულების ხელმძღვანელი (ქ. პრიზრენი);
1993-2015 – გაერო-ს გენერალურ ასამბლეაზე, ეუთო-ს, დსთ-ს და სუამ-ის სამიტებზე და საგარეო საქმეთა მინისტრების ფორუმებზე საქართველოს დელეგაციის წევრი.

ფლობს: ინგლისურ, რუსულ, ესპანურ ენებს – სრულყოფილად.

მინიჭებული აქვს საგანგებო და სრულუფლებიანი დესპანის დიპლომატიური რანგი. (2013)

წყარო

დამოუკიდებელი საქართველოს ელჩები