ოპერატიულ-ტაქტიკური გათვლები
ოპერატიულ-ტაქტიკური გათვლები - გაერთიანებების, შენაერთების, ნაწილების და ქვედანაყოფების მართვის პირადი შემადგენლობის მიერ ჩასატარებელი გამოთვლები. მისი მიზანია რაოდენობრივი, ხარისხობრივი, დროის და სხვა მაჩვენებლების დადგენა ოპერაციის (ბრძოლის) ჩატარების ან ჯარების გამოყენების და მართვის უზრუნველყოფის დაგეგმვის დასაბუთებისათვის.
გაანგარიშებები, რომლებიც ეხება ოპერაციის (ბრძოლის) მომზადების დროს, ჯარების (ძალების) საბრძოლო შესაძლებლობებს, ძალების და საშუალებების შეფარდებას. იგულისხმება ჯარების (ძალების) დაჯგუფების შექმნა, მატერიალური საშუალებების არსებული რაოდენობა, მათი მიღების ვადები და განაწილება; ჯარების (ძალების) საბრძოლო მოქმედებების რაიონში გასვლა; საცეცხლე დაზიანება; ძალების და საშუალებების მართვის პუნქტებსა და მორიგ ცვლებზე განაწილება; პირადი შემადგენლობით და საბრძოლო ტექნიკით ჯარების (ძალების) დაკომპლექტება და სხვა.
