პატრულირება

პატრულირება (franguli patrouiller – მზირით სვლა)

1. საპატრულო სამსახურის განხორციელება მოწინააღმდეგის თვალთვალის, ჯარების დაცვის და დაფარვის მიზნით. პატრულირების ძირითადი ხერხებია: რაიონების (ზოლების, მარშრუტების) შემოვლა ფეხით ან ტრანსპორტით, სტრატეგიული დანიშნულების სარაკეტო ჯარების შვეულმფრენებით შემოფრენა.

XIX–XX საუკუნეებში ხორციელდებოდა ქვეითი და ცხენოსანი პატრულებით;

2. პატრულირებისთვის გათვალისწინებულ რაიონში (ზონაში) საავიაციო ქვედანაყოფების, ჯგუფების ან ცალკეული თვითმფრინავების (ვერტმფრენი) “ჰაერში მორიგეობის” მდგომარეობაში ყოფნა;

3. შორეული რადიოლოკაციური აღმოჩენის და გამიზვნის თვითმფრინავების და ავიაგამანადგურებლების მიერ საჰაერო სივრცის კონტროლი;

4. სამხედრო-საზღვაო ძალებში მარშრუტზე ან ზღუდეზე იარაღის გამოყენების დაწესებული მზადყოფნით ხომალდის, თვითმფრინავის ან მათი ჯგუფების სისტემატური მოქმედება (მანევრირება) ზღვის განსაზღვრულ რაიონში;

5. სტრატეგიული დანიშნულების სარაკეტო ჯარებში პატრულირება გულისხმობს მობილური სარაკეტო კომპლექსების საბრძოლო მორიგეობას;

6. პატრულის მიერ სამსახურეობრივი მოვალეობის შესრულება გარნიზონებში;

7. საყარაულო სამსახურის ერთ-ერთი მეთოდი, დანიშნულ მარშრუტებზე დასაცავი ობიექტების შემოვლა.

წყარო

ქართული სამხედრო ენციკლოპედიური ლექსიკონი