პიროფილიტი
NPLG Wiki Dictionaries გვერდიდან
პიროფილიტი (ბერძ. pŷr ცეცხლი, ალი, სამგლოვიარო კოცონი და phyllon ფურცელი) – ყვითელი ან მომწვანო ფერის მინერალი, ალუმინის ძირითადი სილიკატი. გავრცელებულია ფურცლოვანი ან მკვრივი ქერცლოვანი აგრეგატების სახით.
ქიმიური ფორმულა – Al2Si4O10(OH)2;
სიმკვრივე – 2650-2900 კგ/მ3.
გამოიყენება ნედლეულად აგურის, ცეცხლგამძლე ნაკეთობათა, ფანქრების, საწერი ცარცის დასამზადებლად, შუასადებებად, თბოსაიზოლაციო მასალად და სხვ.
