საბრძოლო დანაკარგები
NPLG Wiki Dictionaries გვერდიდან
საბრძოლო დანაკარგები – პირადი შემადგენლობის, საერთო შეიარაღების, სამხედრო ტექნიკის და სხვა მატერიალური საშუალებების დანაკარგი, რომელიც გამოწვეულია მოწინააღმდეგის ყველა სახის იარაღის ზემოქმედებით და თანმხვედრი დამაზიანებელი ფაქტორებით; სხვა დანაკარგები, დაკავშირებული ჯარების საბრძოლო მოქმედებებთან (მოყინვა, ავადმყოფობა, მოწამვლა, ტრავმები; ტექნიკის წყობიდან გამოსვლა, მატერიალური საშუალებების გაფუჭება და სხვა); ასევე დაკარგული და ტყვედ ჩავარდნილი სამხედრო მოსამსახურეები; საერთო საომარი დანაკარგების შემადგენელი ნაწილი.
განასხვავებენ აღუდგენელ და აღდგენილ (დროებით) საბრძოლო დანაკარგებს. ადამიანური საბრძოლო დანაკარგები – აღუდგენელი და სანიტარული დანაკარგები:
აღუდგენელი დანაკარგები
აღუდგენელი დანაკარგებია:
- მოკლული და გარდაცვლილები,
- დაკარგულები,
- ტყვედ ჩავარდნილები (სამხედრო ტყვეები),
- დათხოვნილები საბრძოლო ტრავმების და ავადმყოფობის გამო და სხვა;
- შეიარაღება, სამხედრო ტექნიკა და სხვა მატერიალური საშუალებები, რომლებიც არ ექვემდებარებიან აღდგენას.
აღდგენილი დანაკარგი
- პირადი შემადგენლობა, რომელიც ბრუნდება მწყობრში გამოჯანმრთელების შემდეგ;
- შეიარაღება, სამხედრო ტექნიკა და სხვა მატერიალური საშუალებები, რომელთა გამოყენებაც შესაძლებელია მათი აღდგენის შემდგომ.