სამეთაურო მომზადება
NPLG Wiki Dictionaries გვერდიდან
სამეთაურო მომზადება – სასწავლო ღონისძიებების კომპლექსი, რომლის მიზანია გენერლების და ადმირალების, ოფიცრების, ზემდეგების და მიჩმანების, სერჟანტებისა და რიგითების (კაპრალების) პროფესიული და მეთოდიკური ოსტატობის ამაღლება; საბრძოლო და ოპერატიული მომზადების შემადგენელი ნაწილი.
სამეთაურო მომზადების მაღალი ხარისხი მართვის ორგანოების მომზადების, ჯარების (ძალების) საბრძოლო და სამობილიზაციო მზადყოფნის დონის ამაღლების უმნიშვნელოვანესი პირობაა.
სამეთაურო მომზადების მთავარი მიზნებია:
- მეთაურების შემადგენლობის ცოდნის და უნარის სრულყოფა, მაღალ საბრძოლო დონეზე ჯარების (ძალების), დაქვემდებარებული შენაერთების, ნაწილებისა და ქვედანაყოფების მზადყოფნა საბრძოლო მოქმედებებისა და ცეცხლის მართვის ორგანიზების სრულყოფისთვის;
ასევე სამეთაურო მომზადება მიზნად ისახავს:
- განუვითაროს ხელქვეითებს მაღალი მორალურ-საბრძოლო თვისებები, შემოქმედებითი აზროვნება, ინიციატივა, სამხედრო ეშმაკობა, გონივრული რისკის გაწევის უნარი;
- ასწავლოს ჯარების (ძალების) ყოველდღიური საქმიანობის ხელმძღვანელობა, მართლწესრიგისა და მაღალი მხედრული დისციპლინის დაცვა;
- დააუფლოს სწავლების და აღზრდის მოწინავე გამოცდილებას.
