სპა
NPLG Wiki Dictionaries გვერდიდან
სპა - ჯარის აღმნიშვნელი ტერმინი შუა საუკუნეების საქართველოში, შემოვიდა სპარსულიდან შუა საუკუნეების დასაწყისში და შეცვალა ქართული ტერმინი „ერი”.
სპასთან ერთად ქართულში შემოვიდა სარდლის აღმნიშვნელი სპარსული ტერმინები: სპასპეტი და სპასალარი, რომლებიც ერისთავის სინონიმები გახდა.
სპას ორნაირი მნიშვნელობა ჰქონდა: ვიწრო - რაინდების აღმნიშვნელი და ფართო - ყოველგვარი ჯარის აღმნიშვნელი.
სპის ერთ-ერთი სახეობა იყო მონასპა - სამეფო გვარდია, აგრეთვე როქის სპა - დაქირავებული ჯარი.