ტალასიო
NPLG Wiki Dictionaries გვერდიდან
ტალასიო – (რომ.) ქორწინების ღვთაება, რომელსაც ბერძნულ ჰიმენეოსთან აიგივებდნენ. მას მაშინ უხმობდნენ ხოლმე, როდესაც მექორწინეები სასიძოს კარის ზღურბლს მიადგებოდნენ.
„ტალასიო“ რიტუალური შეძახილი იყო და მისი წარმომავლობა არ იცოდნენ რომაელებმა. ამიტომ შეთხზეს ლეგენდა, რომელიც საბინ ქალთა მოტაცებას დაუკავშირეს (რომულუსი): ტალასიო რომულუსის უახლოესი თანამდგომი იყო, ამიტომაც მას საბინ ქალთაგან ულამაზესი შეურჩიეს. „ტალასიო, ტალასიო!“ – ასე ყვიროდნენ რომაელები, როდესაც ქალწული მისი სახლისკენ მიჰყავდათ. ეს კი ნიშნავდა, რომ საბინი ქალწული ტალასიოსთვის იყო განკუთვნილი. მას შემდეგ დამკვიდრებულა ეს სახელი საქორწინო შეძახილად.
