ფლიაკი
NPLG Wiki Dictionaries გვერდიდან
ფლიაკი
- სახალხო წარმოდგენა ძველ საბერძნეთში; გავრცელებული იყო საბერძნეთის კოლონიებში – სამხრეთ იტალიაში, არქიპელაგის კუნძულებზე, ბალკანეთის კუნძულების ზოგიერთ მხარეში. ფლაკების ტექსტები არ შემონახულა, ამიტომ ერთადერთი წყარო მათი გაცნობისა, ლარნაკების ფერწერაა.ფლიაკი მოკლე სახუმარო სცენა ყოფილა, იგი ასახავდა ყოველდღიურ ცხოვრებას ან კიდევ ღმერთებისა და გმირემის სამხიარულო თავგადასავალს. ზოგიერთი ფლიაკი კომედიის ან ტრაგედიის პაროდია იყო. ფლიაკის წარმოდგენისათვის საჭირო სცენის მოედანი წარმოადგენდა ხის საბჯენებზე დაყრდნობილ ფიცარნაგს, ანდა სვეტებზე გამართულ ამაღლებულ სცენას. დეკორაციებად გამოიყენებოდა მოძრავი თეჯირები. ანტიკური დრამატული ჟანრებიდან ფლიაკის გავლენა უმეტესად რომაულმა ატელანამ განიცადა.
- ფლიაკის შემსრულებელი მსახიობი.
