ქადა

ქადა − ნამცხვარი, რომელსაც სხვადასხვაგვარად მომზადებულ ტკბილ გულსართს უკეთებდნენ.

აჭარაში ქადისათვის პურის ფქვილს ერბოში მოხალავდნენ, დანაყილ ნიგოზს შეურევდნენ, თაფლს დაასხამდნენ და ერთი მეორეში აურევდნენ, მიღებულ ნაერთს წინასწარ გამზადებულ ფენებზე დააყრიდნენ. ასე რამდენიმე ფენას შეამზადებდნენ. ზემოდან ათქვლეფილ კვერცხის გულს მოუსვამდნენ, გახურებულ კეცში ჩადებდნენ და შეწვავდნენ.