ღვარცოფგამტარი არხი
NPLG Wiki Dictionaries გვერდიდან
ღვარცოფგამტარი არხი – ღვარცოფსაწინააღმდეგო ნაგებობათა ერთ-ერთი ტიპი, მიეკუთვნება ღვარცოფგამტარ ნაგებობათა ჯგუფს. ღვარცოფგამტარი არხი თავის მხრივ, წარმოადგენს რკინაბეტონის ფილებისაგან ან ქვის წყობისაგან შემდგარი არხის ტიპის კალაპოტს. მისი დანიშნულებაა, გაატაროს ღვარცოფული ნაკადი დასახლებული პუნქტებისა და საწარმოო ობიექტების გავლით. ღვარცოფგამტარი არხების კედლის სიმაღლე უნდა აღემატებოდეს ნაკადის მაქსიმალურ სიღრმეს 20%-ით.