ჰართლი მარსდენ
მარსდენ ჰართლი - (Marsden Hartly, 1877-1943) ახალი ამერიკული ხელოვნების პიონერი, რომელმაც არსენალის გამოფენაში მიიღო მონაწილეობა და 291-შიც მუდმივად იფინებოდა. 1912-1915 წლებში ჰართლი უმეტესად საზღვარგარეთ ცხოვრობდა, თავდაპირველად პარიზში, სადაც კუბიზმი აღმოაჩინა, შემდეგ ბერლინში, სადაც ფერადოვანი, ექსპრესიონისტული ნამუშევრების შექმნას მიჰყო ხელი. დაახლოებით 1914 წლისთვის ჰართლიმ საკუთარი, ძალზე ორიგინალური და ინტენსიური სტილი შეიმუშავა, რომელიც სრულად გამოვლინდა მის ნამუშევარში გერმანელი ოფიცრის პორტრეტი. თამამად დაფერილი ფორმებისა და ნახჭების მჭიდროდ შეკრული კომპოზიცია, რომელიც გამრავალფეროვნებულია რიცხვებით, ასოებით და გერმანული სამხედრო ატრიბუტიკის ფრაგმენტებით, სიმბოლურად უკვდავყოფს ჰართლის დაცემულ საყვარელს, ომის ტრაგიკულ მსხვერპლს.
