გულგულის ეკლესია

გულგულის ეკლესია – (სავარაუდოდ, VIII-IX სს.), არქიტექტურული ძეგლი მდებარეობს სოფელ გულგულის (თელავის მუნიციპალიტეტი, ალავერდის ეპარქია) ჩრდილოეთით, 2 კმ-ზე, ნაგებად წოდებულ ადგილში.

ტაძარი შემორჩენილია ნანგრევის სახით (მიახლოებითი ზომები: სიგრძე 11,5 მ, სიგანე – 10,9 მ) და გათხრა-გასუფთავების გარეშე მისი გეგმის სრულად დადგენა შეუძლებელია. ის, სავარაუდოდ, სამეკლესიიანი ბაზილიკაა. შემორჩენილია: შუა ეკლესიის აფსიდი, სამხრეთ ეკლესია (მთელ სიგრძეზე), რომელიც აღმოსავლეთით აფსიდითაა დასრულებული და შუა ეკლესიის ჩრდილოეთით მდებარე სწორკუთხა სათავსი – სამკვეთლო. კედლების ნაშთები რიყის ქვითა და კირის დუღაბითაა ნაგები.

წყარო

• საქართველოს მართლმადიდებელი ეკლესია:ენციკლოპედია