მოლდოვა
მოლდოვა (Moldova – მოლდოვას რესპუბლიკა) – სახელმწიფო სამხრეთ-აღმოსავლეთ ევროპაში.
ფართობი – 33,7 ათ. კმ2.
მოსახლეობა – 3,5 მლნ. კაცი (2012).
სახელმწიფო ენა – მოლდავური.
დედაქალაქი – ქ. კიშინიოვი.
ადმინისტრაციულად იყოფა 40 რაიონად და 9 ცენტრალური დაქვემდებარების ქალაქად.
სახელმწიფოს მეთაურია პრეზიდენტი, საკანონმდებლო ორგანო – ერთპალატიანი პარლამენტი, აღმასრულებელი – მთავრობა.
მოლდოვა დსთ-ს წევრი ქვეყანაა, მაგრამ არ მონაწილეობს კოლექტიური უსაფრთხოების სისტემაში. სსრ კავშირიდან გამოვიდა 1991 წლის 27 აგვისტოს.
მოლდოვა ინდუსტრიულ-აგრარული ქვეყანაა. მრეწველობის წამყვანი დარგი – კვების პროდუქტების წარმოება. განვითარებულია მსუბუქი მრეწველობა. სოფლის მეურნეობის საფუძველი არის მეღვინეობა და მეხილეობა.
საერთაშორისო აეროპორტი – კიშინიოვი.
შეიარაღებული ძალები საერთო შემადგენლობით 10 ათ. კაცი (2012). სახმელეთო ჯარები 9 ათ., სამხედრო-საჰაერო 1 ათ. დაკომპლექტება ხორციელდება შერეული სისტემით – გაწვევით და დაქირავებული პირებით.