სულა ლუციუს კორნელიუს

13:13, 15 მარტი 2018-ის ვერსია

ფსუდო-სულა, ავგუსტინეს ეპოქის ასლი, მიუნხენის გლიპტოთეკა

სულა ლუციუს კორნელიუს - (Sulla) (ძვ.წ. 138–78), ძველი რომის სამხედრო და პოლიტიკური მოღვაწე. თავი გამოიჩინა ჩრდილო აფრიკის დაპყრობასა და იტალიელი ტომების აჯანყების ჩახშობაში. 88 წელს გახდა კონსული და მთავარსარდლად დაინიშნა პონტოს მეფის მითრიდატე VI-ის წინააღმდეგ ომში. სულამ პონტოელთა ჯარები დაამარცხა, მითრიდატესთან ზავი დადო, 83 წელს რომში დაბრუნდა და თავისი დიქტატურა დაამყარა. სასტიკად უსწორდებოდა პოლიტიკურ მოწინააღმდეგეებს, ატარებდა მასობრივ რეპრესიებს. 79 წელს სულამ დიქტატორის რწმუნებანი მოიხსნა.

წყარო

ქართული სამხედრო ენციკლოპედიური ლექსიკონი