ღობიარი გამრეკელ

გამრეკელ ღობიარი - ჯავახეთის ერისთავი XIII ს-ის ბოლო მეოთხედში. კახა (III) თორელის შემდეგ ჯავახეთის ერისთავობა გადასულა თორელთა განაყოფ ღობიართა საგვარეულოში. ჯვრის მონასტრის აღაპებში შეტანილია ერისთავთ-ერისთავ ღობიარ გამრეკელის მოსახსენებელი. ნ. შოშიაშვილის დაკვირვებით, ღობიარები XIV ს. მეორე ნახევრამდე უნდა ყოფილიყვნენ ჯავახეთის ერისთავები.

წყაროები და ლიტერატურა

მეტრეველი 1962: 75 N72; შოშიაშვილი 1966: 49.

წყარო

ცენტრალური და ადგილობრივი სამოხელეო წყობა შუა საუკუნეების საქართველოში. [ენციკლოპედიური ლექსიკონი]. – კორნელი კეკელიძის სახელობის საქართველოს ხელნაწერთა ეროვნული ცენტრი. – თბილისი2017