აბო თბილელის ქუჩა

აბო თბილელის ქუჩა – ქუჩა თბილისში, ძველი თბილისის რაიონი (ქვემო უბანი); გია აბესაძის ქუჩიდან პურის მოედნამდე. აღნიშნულია ალ. პიშჩევინის მიერ შედგენილ თბილისის 1785 წლის გეგმაზე. 1841 წელს შედგენილ თბილისის ქუჩების სიაში შეტანილია, როგორც დიდი მრუდე ქუჩა (მოიცავს ჰ. თუმანიანის ქუჩასაც). 1900 წელს ქუჩის ნაწილს, აბასაბადის მოედანი (ახლანდელი ლადო გუდიაშვილის მოედანი) პურის მოედნამდე. ბ. შელკოვნიკოვის სახელი დაერქვა , 1922 – მ. კაშენის. 1990 – აბო თბილელის. ქუჩაზე შემონახულია XIX. ს. დასასრულისა და XX ს. დასაწყისის საცხოვრებელი სახლები.