აივ-ასოცირებული დელირიუმი
აივ-ასოცირებული დელირიუმი - (HIV-associated delirium), დელირიუმი შეიძლება განვითარდეს აივ-ასოცირებული დემენციის დროს აღნიშნული კოგნიტიური დეფიციტის ფონზე და შეიძლება დაამძიმოს მისი მიმდინარეობა.
დელირიუმი, ასევე შეიძლება აღმოცენდეს სეროკონვერსიის პერიოდში, როცა ის ასეპტიკურ მენინგიტს უკავშირდება. გარდა ამისა, შიდსის დროს დელირიუმის მიზეზი შესაძლოა იყოს ჰიპოქსია (მაგ.: Pneumocystis carivii–ით გამოწვეული პნევმონიისას), კრიპტოკოკური მენინგიტი, სისტემური ინფექციები (მაგ.: სტაფილოკოკური ბაქტერიემია), თავის ტვინის მოცულობითი წარმონაქმნები (მაგ.: ლიმფომა, ცნს-ში ლოკალიზებული; თავის ტვინის ტოქსოპლაზმური აბსცესი), მეტაბოლური დარღვევები (ლიქვორის მიმოქცევისას, ელექტროლიტური ან მჟავა-ტუტე ბალანსის დარღვევები), ფსიქოტროპული მედიკამენტების მიღება (განსაკუთრებით, ტრიციკლური ანტიდეპრესანტების, რომელთა ანტიქოლინერგული აქტივობა აივ-ინფიცირებულ პაციენტებში აშკარად უფრო მეტადაა გამოხატული).
