არაგონი ლუი
ლუი არაგონი – (ფრანგ. Louis Aragon, ნამდვილი გვარი ანდრიე, (1897-1982), ფრანგი მწერალი, პოეტური კრებულების, პოემების, რომანების, მოთხრობების, პუბლიცისტიკის, ლიტერატურულ-კრიტიკული ესსეების ავტორი.
1915 წლიდან სწავლობდა პარიზის უნივერსიტეტში, სამედიცინო ფაკულტეტეზე, დაინტერესებული იყო და მეგობრობდა დადაიზმისა და სიურრეალიზმის მიმდინარეობის წარმომადგენლებთან. უნივერსიტეტიდან წავიდა პირველ მსოფლიო ომში – როგორც მოხალისე. 1927 წელს შევიდა საფრანგეთის კომუნისტურ პარტიაში და ამასთანავე გახდა აქტიური ჟურნალისტი. 1932 წლის აგვისტოში იმოგზაურა საბჭოთა კავშირში და შექმნა ლექსების ციკლი „ვაშა ურალს“. 1933-39 წლებში აქტიურად თანამშრომლობდა გაზეთთან „უმანიტ“. მეორე მსოფლიო ომის დროს მონაწილეობას იღებდა წინააღმდეგობრივ მოძრაობაში, იყო ეროვნული ფრონტის წევრი და თანამშრომლობდა სხვადასხვა საგამომცემლო სახლებთან და ფრანგულ პრესასთან. ამ პერიოდში იბეჭდება არაგონის ლექსები ციკლიდან „ფეირვერკი“ და „დანა გულში“. 1957 წელს მიიღო ლენინური პრემია ხალხთა შორის მშვიდობის დამყარების ხელშეწყობისათვის.
გამოცემები ქართულ ენაზე
ვნების კვირა : [ფრ. მწერლის] რომანი / ლუი არაგონი ; თარგმ. ა. და ზ. ჭუმბაძეებმა.
