ავალიშვილი არჩილ
ავალიშვილი არჩილ (1878 - 19541) – მთარგმნელი, პედაგოგი, ხელოვნების მუშაკი. დაიბადა თბილისში. თბილისის სათავადაზნაურო სკოლის დამთავრების შემდეგ სწავლობდა თბილისის მე-3 გიმნაზიაში. ხალხოსნური იდეებით გატაცებულმა, სახალხო მასწავლებლობა დაიწყო ჯერ სოფელ კარდანახში, შემდეგ ვლადიკავკაზში – წერა-კითხვის გამავრცელებელი საზოგადოების ქართულ სკოლაში. პარალელურად მართავდა წარმოდგენებს. 1895 წელს გამოდიოდა ავჭალის აუდიტორიის სცენაზე. 1903-1907 წლებში სწავლობდა სორბონის უნივერსიტეტიოს საბუნებისმეტყველო ფაკულტეტზე. პარიზიდან დაბრუნების შემდეგ მსახურობდა ჯერ მასწავლებლად, შემდეგ კი სხვადასხვა დაწესებულებებში. იყო ქუთაისის დრამატული საზოგადოების დაარსების ერთ-ერთი ინიციატორი, 1909-1911 წლებში აირჩიეს ამავე საზოგადოების გამგეობის წევრად.
მონაწილეობდა ქართულ პრესაშიც: აქვეყნებდა რეცენზიებს. მისი ხელმონაწერია: არავინ, სკამი №24. თარგმნა პიესები: სოფოკლეს „ოიდიპოს მეფე“, მეტერლინკის „და ბეატრისა“, ა. ოსტროვსკის „ვასილისა მელენტიევა“. ზოგი ნაწარმოები თარგმნა ფსევდონიმით ა-ლი.
გამოყენებული ლიტერატურა
თეატრი და ცხოვრება. – 1914. – № 17; 1925. – № 8.
