აშლილობა გამოწვეული ჰალუცინოგენების მოხმარებით
NPLG Wiki Dictionaries გვერდიდან
აშლილობა გამოწვეული ჰალუცინოგენების მოხმარებით - (hallucinogen use disorder) ჰალუცინოგენების მიღების შედეგად გაჩენილი ნებისმიერი ფსიქიკური ან ქცევითი აშლილობა.
ჰალუცინოგენების უმრავლესობას შინაგანად მოიხმარენ, თუმცა N,N – დიმეთილტრიპტამინს (DMT) – ცხვირით შეისუნთქავენ ან ეწევიან. მოხმარება, ჩვეულებრივ, ეპიზოდურ ხასიათს ატარებს; ქრონიკული ან ხშირი მოხმარება ძალზე იშვიათად აღინიშნება.
ჰალუცინოგენით გამოწვეული ჰალუცინოზის გარდა, ხშირად აღინიშნება შემდეგი არასასურველი ეფექტები:
- 1. „bad trip“ „ცუდი მოგზაურობა“;
- 2. ჰალუცინოგენების მიღების შემდეგ გაჩენილი აღქმის აშლილობები ანუ „ფლეშბეკი“;
- 3. ბოდვითი აშლილობა, რომელიც, ჩვეულებრივ, ვითარდება „bad trip“-ის შემდეგ, აღქმის ინტენსიურობა მცირდება, მაგრამ ინდივიდს უჩნდება რწმენა, რომ დამახინჯებული აღქმა რეალობას ესადაგება; აშლილობამ შეძლება 2-3 დღეს გასტანოს, თუმცა შესაძლოა, უფრო მდგრადი ფორმაც მიიღოს.
- 4. აფექტური აშლილობა, ანუ ხასიათის აშლილობა, რომელიც მოიცავს შფოთვას, დეპრესიას ან მანიას, რაც ჰალუცინოგენების მიღების შემდგომ ცოტა ხანში ჩნდება და 24 საათამდე გრძელდება: ჩვეულებრივ, ინდივიდს უტოვებს შეგრძნებას, რომ ის „ნორმალური“ ვეღარასოდეს გახდება, უჩენს რწმენას, რომ ფსიქოაქტიური საშუალებების მიღების შედეგად დაუზიანდა ტვინი.
იხილე აგრეთვე
აშლილობა გამოწვეული ფსიქოაქტიური ნივთიერებების მოხმარებით